Oraindik hilabete batez Euskaraldian izena emateko aukera irekia zaizue. Euskal herri osoan 70 000 izen emateetatik hurbiltzen ari dira. Iparraldean erran bezala 1.500.

Norbanakoak eta entitateek ere parte har dezaten gonbita luzatzen du Euskaraldian talde sustatzaileak. Mementoko 230 entitatek izena eman dute Iparraldean, hauek edozein enpresa, elkarte, saltegi, erakunde, kirol edo musika talde izan daitezke. Zilia Heredia Iparraldeko sustatzailearen arabera :

"Entitateen parte hartzeak babes bat emaiten ahal du, komertzio batean sartzean badakigu entitateak parte hartzen duela Euskaraldian eta badakigu lasai aritzen ahalko girela gune hortan."

Aurten, beste edizioetan ez bezala entitateek ez dute Arigune izendapena izango baina inprimatzeko baliabideak ukango dituzte eskura apaintzeko gunea, edo euskaraldiko bandera erosteko aukera dute ere 5 eurotan.

Euskaraldia tokian toki antolatzeko, herri batzordeak aktibatzen hasi dira, hala nola Iparraldean 45 bat dira mementuko. Batzorde hauek izango dute txapak banatzeko ardura. Jakiteko noiz eta nun bildu zuena, euskaraldia.eus webgunean begiratu beharko dituzue xehetasunak, herri batzordeen mapan.

Euskaraldiaren 2022ko azken edizioan 160.000 pertsonak parte hartu zuen Euskal Herri osoan.