Baionako Marracq auzoan dagoen Largenté ikastetxeko 1.500 ikasleek zuzendari berria ukanen dute irailetik goiti. Filipe Mayte donazahartarrak bere kargua utziko du 12 urtez zuzendari izan ondotik eta Mathieu Pommiers sortzez angeluarrak ordezkatuko du eta Bordeletik Baionara etorriko da. 55 urte ditu Filipe Maytek eta Angèle Mericik sortu Ursulines ordenarentzat segituko du lanean parte haundiz. Eta beste partea Ataria elkartean pasatuko du. Euskal Herria, bere lurraldea, historia, kultura, hizkuntza, gaurkotasuna eta profesionalen jakintza egungo eta etorkizuneko belaunaldiei transmititzeko beharraz ohartuz sortu zuten Ataria. Formakuntzak laster eskainiko dituzte.